ປັດຈຸບັນ ໜີ້ສິນຕ່າງປະເທດກວມ 52% ຂອງ GDP ແລະ ໜີ້ສິນພາຍໃນກວມ 6,3% ຂອງ GDP.
ເຊິ່ງຢູ່ /ໃນລະດັບສູງສົມຄວນ ແລະມີຄວາມສ່ຽງຖ້າພວກເຮົາບໍ່ມີມາດຕະການ ຢ່າງເຂັ້ມງວດ ແລະ ຮັດກຸມໃນຕໍ່ໜ້າ.
ຫລ້າສຸດຮອງນາຍົກລັດຖະມົນຕີ, ລັດຖະມົນຕີ ກະຊວງການເງິນ ເຜິດເຜີຍວ່າລັດຖະບານ ກໍາລັງຄົ້ນຄວ້າ ວິທີການແກ້ໄຂ ດ້ວຍມາດຕະການຕ່າງໆ ໂດຍໄດ້ມີການແຕ່ງຕັ້ງ ຄະນະແກ້ໄຂໜີ້ສິນ.
ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີ ກະຊວງການເງິນ ໄດ້ຊີ້ແຈ້ງຕໍ່ຂໍ້ຊັກຖາມຂອງ ສສຊ ກ່ຽວກັບການແກ້ໄຂ ບັນຫາໜີີ້ສິນ ໃນວາລະກອງປະຊຸມ ສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ VIII ເມື່ອບໍ່ດົນມານີ້ ວ່າ: ມາຮອດປັດຈຸບັນ ກະຊວງແຜນການ ແລະ ການລົງທຶນ ໄດ້ເປັນເຈົ້າການ ສັງລວມຄືນໜີ້ສິນທັງໝົດ ຈາກບັນດາໂຄງການລົງທຶນຂອງລັດ ໂດຍສະເພາະແມ່ນໂຄງການທີ່ໄດ້ ຈັດຕັ້ງປະຕິບັດແລ້ວ ເຊິ່ງເປັນຈໍານວນເງິນ ງົບປະມານ 13 ພັນກວ່າຕື້ກີບ ເຊິ່ງລັດຖະບານ ກໍາລັງຄົ້ນຄວ້າ ວິທີການແກ້ໄຂ ດ້ວຍມາດຕະການຕ່າງໆ ໂດຍໄດ້ມີການແຕ່ງຕັ້ງ ຄະນະແກ້ໄຂໜີ້ສິນ.
ພ້ອມນັ້ນ ເພື່ອສາມາດສັງລວມ ຄຸ້ມຄອງໜີສິນ ແມ່ນໄດ້ມີການຄົ້ນຄວ້າ ຮ່າງກົດໝາຍວ່າ ດ້ວຍການ ຄຸ້ມຄອງໜີ້ສິນສາທາລະນະ ເພື່ອຂໍໍອະນຸມັດຈາກສະພາໃນທ້າຍປີນີ້.
ທ່ານກ່າ່ວຕື່ມວ່າ: ມາຮອດທ້າຍປີິ2016 ຍອດໜີ້ສິນຕ່າງປະເທດກວມ 52% ຂອງ GDP ແລະ ໜີ້ສິນພາຍໃນກວມ 6,3% ຂອງ GDP(ສະເພາະແຕ່ພັນທະບັດພາຍໃນ ບໍ່ລວມໜີ້ໂຄງການລົງທຶນຂອງລັດ).
ສັງລວມແລ້ວຍອດໜີ້ທັງໝົດ ລວມທັງໜີ້ພາຍໃນ ແລະ ຕ່າງປະເທດ ຍັງຢູ່ໃນລະດັບສູງສົມຄວນ ເຊິ່ງເປັນຈຸດທີ່ມີຄວາມສ່ຽງຖ້າພວກເຮົາບໍ່ມີມາດຕະການ ຢ່າງເຂັ້ມງວດ ແລະ ຮັດກຸມໃນຕໍ່ໜ້າ.
ສະເພາະ 3 ເດືອນຂ້າມຜ່ານປີ 2016 ໄດ້ອະນຸມັດແຜນການ ຊໍາລະໜີ້ສິນ 700 ຕື້ກີບ, ໃນນີ້ 400 ຕື້ກີບ ເພື່ອຊໍາລະ ໂຄງການລົງທຶນຂອງລັດ ແລະ 300 ຕື້ກີບ ສໍາລັບໜີ້ພັນທະບັດ ໂຄງການລົງທຶນຂອງລັດ.
ຂອບໃຈທີ່ມາ www.laosupdate.com
